ЖЧ-2026 финалининг бошқарган Славко Винчич фаолиятини якунлади
2026 йилги Жаҳон чемпионати финалини бошқарган словениялик ҳакам Славко Винчич профессионал фаолиятини якунлади. Бу ҳақда Словения футбол иттифоқи расмий сайти орқали маълум қилди.
46 ёшли Винчич 2010 йилдан буён ФИФА рефериси сифатида фаолият юритиб келган. Унинг фаолиятидаги энг муҳим учрашувлардан бири 2026 йилги Жаҳон чемпионати финали бўлиб, унда Испания қўшимча вақтда Аргентинани 1:0 ҳисобида мағлуб этган эди.
Шунингдек, Винчич 2023/24 йилги мавсумда бўлиб ўтган УЕФА Чемпионлар лигаси финалида «Реал» — «Боруссия» Дортмунд баҳсини, 2021/22 йилги Европа лигаси финалида эса «Айнтрахт» ва «Рейнджерс» ўртасидаги учрашувни (1:1, пенальтилар сериясида 4:3) ҳам бошқарган.
2026 йилги мундиалда словениялик ҳакам тўртта ўйинда ишлади. У мазкур баҳсларда жами 12 та сариқ ва 2 та қизил карточка кўрсатди.
