JCH-2026 finalini boshqargan Slavko Vinchich faoliyatini yakunladi
2026 yilgi Jahon chempionati finalini boshqargan sloveniya hakami Slavko Vinchich professional faoliyatini yakunladi. Bu haqda Sloveniya futbol ittifoqi rasmiy sayti orqali xabar berildi.
46 yoshli Vinchich 2010 yildan buyon FIFA referisi sifatida faoliyat yuritib kelgan. Uning faoliyatidagi eng muhim uchrashuvlardan biri 2026 yilgi Jahon chempionati finali bo‘lib, unda Ispaniya qo‘shimcha vaqtda Argentinani 1:0 hisobida mag‘lub etgan edi.
Shuningdek, Vinchich 2023/24 yilgi mavsumda bo‘lib o‘tgan UEFA Chempionlar ligasi finalida "Real" — "Borussiya" Dortmund bahsini, 2021/22 yilgi Yevropa ligasi finalida esa "Ayntraxt" va "Reynjers" o‘rtasidagi uchrashuvni (1:1, penaltilar seriyasida 4:3) ham boshqargan.
2026 yilgi mundialda sloveniya hakami to‘rtta o‘yinda ishladi. U mazkur bahslarda jami 12 ta sariq va 2 ta qizil kartochka ko‘rsatdi.
