ЖЧ-2026: Эквадор Германияни мағлуб этиб, плей-офф йўлланмасини қўлга киритди
Немислар эса муддатидан аввал кейинги босқич масаласини ҳал қилганди.
ФОТО: Getty Images
Жаҳон чемпионати гуруҳ босқичининг 3-туридан ўрин олган учрашувда Эквадор терма жамоаси Германияни 2:1 ҳисобида мағлуб этиб, плей-офф босқичига йўл олди.
Учрашувда ҳисобни 2-дақиқада Лерой Сане очди. Орадан етти дақиқа ўтиб, Нилсон Ангуло мувозанатни тиклади. Иккинчи бўлимнинг 77-дақиқасида эса Гонсало Плата ғалаба голини уриб, Эквадорга муҳим уч очкони тақдим этди.
Мазкур натижадан сўнг Эквадор гуруҳ босқичини муваффақиятли якунлаб, плей-офф йўлланмасини қўлга киритди. Германия эса мағлубиятга қарамай, аввалроқ муддатидан олдин гуруҳ ғолиби сифатида кейинги босқичдаги иштирокини кафолатлаб бўлганди.
Маълумот учун, Эквадор терма жамоаси Жаҳон чемпионатлари тарихида учинчи бор плей-офф босқичига чиқишга муваффақ бўлди.
Насрулло Каримов
Журналист