JCh-2026: Ekvador Germaniyani mag‘lub etib, pley-off yo‘llanmasini qo‘lga kiritdi
Jahon chempionati guruh bosqichining 3-turidan o‘rin olgan uchrashuvda Ekvador terma jamoasi Germaniyani 2:1 hisobida mag‘lub etib, pley-off bosqichiga yo‘l oldi.
Uchrashuvda hisobni 2-daqiqada Leroy Sane ochdi. Oradan yetti daqiqa o‘tib, Nilson Angulo muvozanatni tikladi. Ikkinchi bo‘limning 77-daqiqasida esa Gonsalo Plata g‘alaba golini urib, Ekvadorga muhim uch ochkoni taqdim etdi.
Mazkur natijadan so‘ng Ekvador guruh bosqichini muvaffaqiyatli yakunlab, pley-off yo‘llanmasini qo‘lga kiritdi. Germaniya esa mag‘lubiyatga qaramay, avvalroq muddatidan oldin guruh g‘olibi sifatida keyingi bosqichdagi ishtirokini kafolatlab bo‘lgandi.
Ma’lumot uchun, Ekvador terma jamoasi Jahon chempionatlari tarixida uchinchi bor pley-off bosqichiga chiqishga muvaffaq bo‘ldi.
