ЖЧ-2026: Қатар гуруҳ босқичида қолиб кетди
“A” гуруҳида 3-тур ўйинлари бўлиб ўтди.
ФОТО: Getty Images
2026 йилги Жаҳон чемпионати гуруҳ босқичининг сўнгги турида Босния ва Герцеговина терма жамоаси Қатарни 3:1 ҳисобида мағлуб этди. Ушбу натижа боснияликларга плей-офф йўлланмаси учун курашни давом эттириш имкониятини сақлаб қолди.
Учрашувнинг 29-дақиқасида Алајбегович ҳисобни очди. Орадан кўп ўтмай, Қатар ҳимоячисининг авто-голи ҳисобни 2:0 кўринишига олиб келди. Биринчи бўлим охирларида Ҳасан Ал-Ҳайдос битта гол уриб, ҳисобдаги фарқни қисқартирди.
Иккинчи бўлимда Босния ва Герцеговина ўйин назоратини сақлаб қолди ва 80-дақиқада Махмичнинг голи билан учрашувга якуний нуқта қўйди — 3:1.
Маълумот учун, ушбу ғалабадан сўнг Босния ва Герцеговина очколари сонини 4 тага етказиб олди. Қатар эса мундиалдаги иштирокини гуруҳ босқичида якунлади.
Насрулло Каримов
Журналист