JCh-2026: Qatar guruh bosqichida qolib ketdi
2026-yilgi Jahon chempionati guruh bosqichining so‘nggi turida Bosniya va Gersegovina terma jamoasi Qatarni 3:1 hisobida mag‘lub etdi. Ushbu natija bosniyaliklarga pley-off yo‘llanmasi uchun kurashni davom ettirish imkoniyatini saqlab qoldi.
Uchrashuvning 29-daqiqasida Alajbegovich hisobni ochdi. Oradan ko‘p o‘tmay, Qatar himoyachisining avtogoli hisobni 2:0 ko‘rinishiga olib keldi. Birinchi bo‘lim oxirlarida Hasan Al-Haydos bitta gol urib, hisobdagi farqni qisqartirdi.
Ikkinchi bo‘limda Bosniya va Gersegovina o‘yin nazoratini saqlab qoldi va 80-daqiqada Mahmichning goli bilan uchrashuvga yakuniy nuqta qoʻydi — 3:1.
Maʼlumot uchun, ushbu g‘alabadan so‘ng Bosniya va Gersegovina ochkolari sonini 4 taga yetkazib oldi. Qatar esa mundialdagi ishtirokini guruh bosqichida yakunladi.
