ЖЧ-2026 1-турининг рамзий жамоасини эълон қилди (Opta)

Кабо-Верде посбони биринчи турда 7 та сейвни амалга оширди.

Футбол Бугун да 09:38

Розикжон Султонмуродов

Журналист

Opta таҳлилий платформаси 2026 йилги жаҳон чемпионати гуруҳ босқичи 1-турининг рамзий терма жамоасини тузиб чиқди.

Ундан Кабо-Верде дарвозабони Возинья, Аргентина терма жамоаси ҳужумчиси Лионель Месси ва норвегияликлар форварди Эрлинг Ҳоланд ўрин олди.

Таркибда шунингдек ҳимоячилар Энтони Робинсон (АҚШ), Амир Мурильо (Панама), Гарри Суттар (Австралия) ва Педро Лопес (Кабо-Верде) ўрин олган.

Ярим ҳимоя Уэстон Маккенни (АҚШ) ва Айюб Буаддидан (Марокаш) ташкил топган. Ҳужумда Месси ва Ҳоланд билан бирга — Килиан Мбаппе (Франция) ва Ян Диоманд (Кот-д’Ивуар).

Месси Жазоир билан ўйинда (3:0) хет-трик қайд этди, Ҳоланд Ироқ дарвозасига дубль йўллади (4:1), Мбаппе Сенегалга иккита гол урди (3:1).

Возинья Испания билан учрашувда (0:0) еттита сейв амалга оширди ва ўйиннинг энг яхши футболчиси деб топилди.