Жавоҳир Синдаров феврал ойида расмий freestyle бўйича жаҳон чемпионатида иштирок этади!
Халқаро шахмат федерацияси (FIDE) ва Freestyle Chess Operations GmbH компанияси илк бор расмий FIDE freestyle шахмат бўйича жаҳон чемпионатини ўтказиш бўйича келишувга эришди. Мусобақа 2026-йил 13–15-феврал кунлари Вайзенхаус (Германия) шаҳрида бўлиб ўтади. Турнир FIDE ҳомийлигида ва Freestyle Chess билан ҳамкорликда ташкил этилади.
FIDE freestyle бўйича жаҳон чемпионати аввал ўтказилган Фишер шахмати (Chess960) форматдаги FIDE турнирларининг (2019 ва 2022-йиллар) мантиқий давоми ҳисобланади ва унда 8 нафар шахматчи иштирок этади.
Шулардан 6 нафар иштирокчи 2025-йилги Freestyle Chess Grand Slam Tour натижаларига кўра йўлланма олди:
Magnus Карлсен
Левон Арония
Фабиано Каруана
Винсент Кеймер
Аржун Эригаиси
Жавоҳир Синдаров
Яна 2 та ўрин алоҳида тартибда тақсимланади:
- биттасини FIDE танлайди,
- иккинчисини Freestyle Chess ташкилоти белгилайди.
Freestyle Chess аллақачон Hans Ниманни Лас-Вегасдаги ёрқин чиқиши учун номзод сифатида кўрсатган.
FIDE эса саккизинчи иштирокчини аниқлаш учун Chess.com платформасида онлайн саралаш турнири ўтказади (тахминан 14–15-январ кунлари).
