Жасур Жумаев: «Мойлиев ёшлар жамоасидаги устозим эди»
“Каттақўрғон”нинг қашқадарёлик ҳимоячиси Жасурбек Жумаев бўлажак баҳс олдидан ўз фикрлари билан ўртоқлашди:
— “Лочин” билан бўладиган ўйинга яхши тайёргарлик кўрдик. Жамоада кайфият яхши. Худо хоҳласа, майдонга фақат ғалаба учун тушамиз ва ижобий натижа қайд этишга ҳаракат қиламиз.
— Бу жамоада аввалдан таниш футболчилар ҳам борми?
— Ҳа, бу жамоа асосан “Насаф” академиясидан чиққан футболчилардан ташкил топган. Уларнинг кўпчилиги билан бирга ўйнаганман. Бундан ташқари, “Лочин” жамоаси бош мураббийи Элдор Мойлиев ҳам “Насаф” академиясида ёшлар жамоасидаги мураббийим бўлган.
— Ушбу учрашувдан кейин танаффус бошланади. Бу сафар танаффус одатдагидан узоқроқ бўлмоқда. Бу жамоаларга қанчалик таъсир қилади?
— Ҳозирча барча эътиборимиз эртанги ўйинга қаратилган. Ўйиндан кейин, насиб қилса, мураббийлар кейинги йиғин саналарини айтишади ва таътилга чиқамиз. Албатта, узоқ танаффус ҳар бир футболчининг формасига маълум даражада таъсир қилади. Лекин профессионал футболчи сифатида танаффус пайтида ҳам ўз устида ишлашимиз керак бўлади.
