Жаҳон чемпионатлари тарихида илк бор учта футболчи битта турнирда 7 тадан гол уришга муваффақ бўлди
Мундиаллар тарихида биринчи марта битта мусобақа давомида бирданига уч нафар футболчи рақиблар дарвозасини 7 маротабадан кўпроқ нишонга олишга эришди. Бу ҳақда таниқли эксперт MisterChip ўзининг X ижтимоий тармоғидаги саҳифасида маълум қилди.
Айни дамда тўпурарлар рўйҳатида қуйидаги футболчилар етакчилик қилмоқда:
- Эрлинг Холанд (Норвегия) — 7 гол
- Килиан Мбаппе (Франция) — 7 гол
- Лионель Месси (Аргентина) — 7 гол
Шу вақтга қадар ўтказилган жаҳон чемпионатларида бир турнир давомида бу маррани забт этган ўйинчилар сони иккитадан ошмаган эди.
Эслатиб ўтамиз, ЖЧ-2026 нимчорак финалида Норвегия терма жамоаси Бразилияни 2:1 ҳисобида мағлуб этди. Скандинавияликлар сафида Эрлинг Холанд дубль қайд этиб, ушбу кўрсаткичга эришди.
Мундиалнинг чорак финал босқичида Норвегия терма жамоаси Мексика – Англия жуфтлиги ғолиби билан ярим финал йўлланмаси учун кураш олиб боради. Маълумот ўрнида, мусобақанинг 1/16 финалида Бразилия терма жамоаси Япония тўсиғидан ўтган эди (2:1), Норвегия эса Кот-д`Ивуар устидан ғалаба қозонганди (2:1).
