Jahon chempionatlari tarixida ilk bor uchta futbolchi bitta turnirda 7 tadan gol urishga muvaffaq bo‘ldi
Mundiallar tarixida birinchi marta bitta musobaqa davomida birdaniga uch nafar futbolchi raqiblar darvozasini 7 marotabadan ko‘proq nishonga olishga erishdi. Bu haqda taniqli ekspert MisterChip o‘zining X ijtimoiy tarmog‘idagi sahifasida ma’lum qildi.
Ayni damda to‘purarlar ro‘yxatida quyidagi futbolchilar yetakchilik qilmoqda:
- Erling Holand (Norvegiya) — 7 gol
- Kilian Mbappe (Fransiya) — 7 gol
- Lionel Messi (Argentina) — 7 gol
Shu vaqtga qadar o‘tkazilgan jahon chempionatlarida bir turnir davomida bu marrani zabt etgan o‘yinchilar soni ikkitadan oshmagan edi.
Eslatib o‘tamiz, JCh-2026 nimchorak finalida Norvegiya terma jamoasi Braziliyani 2:1 hisobida mag‘lub etdi. Skandinaviyaliklar safida Erling Holand dubl qayd etib, ushbu ko‘rsatkichga erishdi.
Mundialning chorak final bosqichida Norvegiya terma jamoasi Meksika – Angliya juftligi g‘olibi bilan yarim final yo‘llanmasi uchun kurash olib boradi. Ma’lumot o‘rnida, musobaqaning 1/16 finalida Braziliya terma jamoasi Yaponiya to‘sig‘idan o‘tgan edi (2:1), Norvegiya esa Kot-d`Ivuar ustidan g‘alaba qozongandi (2:1).
