Жанубий Корея президенти жаҳон чемпионатидаги муваффақиятсизлигидан сўнг жамоани қаттиқ танқид остига олди
Жанубий Корея президенти Ли Чже Мён миллий терма жамоанинг 2026 йилги Жаҳон чемпионатидаги муваффақиятсизлигидан сўнг уларни қаттиқ танқид остига олди.
«Мен ҳозир шунчаки ҳайратни эмас, балки бутунлай мантиқсизлик туйғусини ҳис қилаяпман. Таниш-билишчилик профессионализм устидан ғолиб чиқди, номақбул одамлар раҳбарлик лавозимларига тайинланганда эса, бундай натижа бўлиши кундек равшан эди. Рўй берган ушбу омадсизлик — ташкилий ва кадрлар борасидаги хатоларнинг маҳсулидир», — деб ёзди сиёсатчи ўзининг ижтимоий тармоқдаги саҳифасида.
Эслатиб ўтамиз, корейслар гуруҳ босқичида муваффақиятсизликка учраб, "A" квартетида учинчи ўринни эгаллаган ҳолда мусобақани тарк этишди. Турнир улар учун ёмон бошланмаганди — дастлабки турда Чехия терма жамоаси устидан иродали ғалаба (2:1) қўлга киритилди. Бироқ шундан сўнг Мексикадан мағлубият (0:1) ва учинчи турда ЖАР терма жамоасидан худди шундай ҳисобдаги кутилмаган мағлубият қабул қилиб олинди. Якунда корейсларга энг яхши кўрсаткичга эга бўлган 4 та учинчи ўрин соҳиблари қаторига кириш учун уч очко етмай қолди — улар тўплар нисбатига кўра Сенегал терма жамоасига имкониятни бой беришди.
