Жанлуиджи Доннарумма «Манчестер Сити»дан кетиши мумкин
«Манчестер Сити» дарвозабони Джанлуиджи Доннарумма клуб молиявий қоидабузарликлар туфайли жиддий жазога дуч келса, жамоани тарк этиши мумкин. Бу ҳақда журналист Экрем Конур хабар берди.
Манбага кўра, Доннарумма «Манчестер Сити»га ўтишидан олдин Италиянинг икки гранд клуби — «Милан» ва «Интер» қизиқиш билдирган. Агар Англия грандидаги вазият ёмонлашса, Милан шаҳридан бўлган клублар дарвозабон учун яна курашиши мумкин.
Қайд этиш жоизки, Доннарумма «Милан» тарбияланувчиси ҳисобланади. У 2015 йилдан 2021 йилгача асосий жамоа сафида ҳаракат қилган. Шундан сўнг 2021–2025 йилларда «ПСЖ»да ўйнади ва кейин Англияга кўчиб ўтди.
27 ёшли италиялик дарвозабон жорий мавсумда барча мусобақалар доирасида 7 та учрашувда майдонга тушиб, 8 та гол ўтказиб юборди.
