Janluiji Donnarumma «Manchester City»dan ketishi mumkin
«Manchester City» darvozaboni Janluiji Donnarumma klub moliyaviy qoidabuzarliklar tufayli jiddiy jazoga duch kelsa, jamoani tark etishi mumkin. Bu haqda jurnalist Ekrem Konur xabar berdi.
Manbaga ko‘ra, Donnarummaga «Manchester City»ga o‘tishidan oldin Italiyaning ikki grandi — «Milan» va «Inter» qiziqish bildirgan. Agar Angliya grandidagi vaziyat yomonlashsa, Milan shahridan bo‘lgan klublar darvozabon uchun yana kurashishi mumkin.
Qayd etish joizki, Donnarumma «Milan» tarbiyalanuvchisi hisoblanadi. U 2015-yildan 2021-yilgacha asosiy jamoa safida harakat qilgan. Shundan so‘ng 2021–2025-yillarda «PSJ»da o‘ynadi va keyin Angliyaga ko‘chib o‘tdi.
27 yoshli italiyalik darvozabon joriy mavsumda barcha musobaqalar doirasida 7 ta uchrashuvda maydonga tushib, 8 ta gol o‘tkazib yubordi.
