Жамолиддин Раҳматуллаев: «Биз ушбу турнир орқали Осиё кубоги саралаш босқичига тайёргарлик кўришни режалаштирганмиз»
“CAFA U-20 Championship 2026” мусобақаси олдидан Ўзбекистон U-20 терма жамоаси бош мураббийи Жамолиддин Раҳматуллаев ўз фикрларини билдириб ўтди.
“Авваламбор, мусобақа ташкилотчиларига юқори савиядаги ташкилий ишлар учун миннатдорчилик билдираман. Менимча, ушбу мусобақа барча иштирокчилар учун жуда муҳим аҳамиятга эга. Чунки биз исталган вақтда халқаро ўртоқлик учрашувларини ташкил қилишимиз мумкин, аммо улар барибир расмий мусобақа тажрибасини бера олмайди. Расмий ўйинларда босим ҳам, масъулият ҳам бутунлай бошқача бўлади.
Биз ушбу турнир орқали Осиё кубоги саралаш босқичига тайёргарлик кўришни режалаштирганмиз.
Умид қиламанки, ушбу мусобақа барча жамоалар учун фойдали ва энг муҳими, жароҳатларсиз ўтади.” — деди Жамолиддин Раҳматуллаев.
Маълумот учун, Ўзбекистон U-20 терма жамоаси “CAFA U-20 Championship 2026” мусобақасидаги илк учрашувини Тожикистонда Қирғизистон U-20 терма жамоасига қарши ўтказади.
