Жамал Мусиала: «Кўпчилигингиз хавотирда эканлигингизни тушуниб турибман»
Жамал Мусиала Бавариянинг сўнгги ўйинларида ҳушидан кетиишига сабаб бўлган соғлиғидаги муаммолар ҳақида гапириб берди.
«Биринчи навбатда шуни айтмоқчиманки, мен билан ҳаммаси жойида! Хабарларингиз ва қўллаб-қувватлаганингиз учун жуда миннатдорман!
Кўпчилигингиз хавотирда эканлигингизни тушуниб турибман. Бугун мен хавотирларингизни тарқатишни ва баъзи нарсаларни тушунтириб беришни хоҳлайман. Менда неврологик дисфункция туфайли юзага келган қисқа муддатли, аммо даволаниши осон бўлган абсанслар (ҳушнинг қисқа муддатга йўқолиши) ташхиси қўйилган. Бу, масалан, Лейпцигга қарши ўйинда ёки ҳозир Хайденхайм билан бўлгани каби ҳолатларга олиб келиши мумкин. Биламан, бир қарашда бу қўрқинчли кўринади, аммо ҳозирги вақтда улар кундалик ҳаётимнинг бир қисми. Мен аъло даражадаги тиббий ёрдам олмоқдаман ва жуда кўтаринки кайфиятдаман. Бавария ва атрофимдагилар бу йўлда мени қўллаб-қувватлашмоқда.
Шуни таъкидлаш муҳимки, бундан ташқари соғлиғим учун ҳеч қандай хавф йўқ. Муттахассислар билан яқин ҳамкорликда бу чорани қабул қилиш менинг шахсий хоҳишим эди ва неврологларнинг рухсати билан соғайишимга энг кўп ёрдам берадиган иш билан шуғулланишни давом эттирмоқчиман — шунчаки ўзимнинг кундалик ҳаётим билан яшаш ва бутун вужудим билан футбол ўйнашда давом этиш. Бунинг учун масъулиятни ўз зиммамга олдим. Умуман олганда, ўзимни жуда яхши ҳис қиляпман ва тўғри йўлдаман. Менга энг кўп ёрдам берадиган нарса — бу сизнинг қўллаб-қувватловингиз остида жамоам билан ғалабалар ва титулларни қўлга киритишда давом этиш.
Умид қиламанки, бу мени яхшироқ тушунишингизга ёрдам беради. Шу билан бирга, вазиятни тўғри қабул қилишингизга умид қилган ҳолда, бундан буён ушбу мавзуни фақат энг яқин танишларим, клуб ва экспертлар доирасида сақлаб қолишни истардим. Катта раҳмат», – деб ёзди Мусиала Инстаграмда.
