Жаканинг трансфери бўйича қўшимча тафсилотлар маълум бўлди
Гранит Жака “Челси”га ўтиши мумкин.
Фото: Getty Images
Швейцария терма жамоаси ва “Сандерленд” ярим ҳимоячиси Гранит Жака фаолиятини “Челси”да давом эттириши мумкин.
Инсайдер Николо Скира маълумотига кўра, футболчи Лондон клуби билан шахсий шартнома шартларини келишиб олган. Келишув 2029 йил ёзига қадар мўлжалланиши кутилмоқда.
Айни вақтда “Челси” ва “Сандерленд” трансфер шартлари бўйича музокара олиб бормоқда. “Сандерленд” Жака учун камида 40 миллион евро талаб қилаётгани айтилмоқда.
Маълумотларга кўра, музокараларнинг навбатдаги босқичи яқин 48 соат ичида бўлиб ўтади.
Ўтган мавсумда Гранит Жака барча турнирларда 36 та учрашувда майдонга тушиб, 1 та гол ва 6 та голли узатмага муаллифлик қилган.
Насрулло Каримов
Журналист