Жака «Челси»га ўтишдан бош тортди
«Сандерленд» ярим ҳимоячиси Гранит Жака «Челси» сафига ўтмасликка қарор қилди. Бу ҳақда журналист Жанлука Ди Марционинг расмий сайти хабар берди.
Манба маълумотига кўра, швейцариялик футболчи бош мураббий Хаби Алонсога шахсан лондонликлар таклифини рад этганини маълум қилган. 33 ёшли ярим ҳимоячи «Сандерленд»да қолиш ва фаолиятини шу жамоада давом эттиришни маъқул кўрган.
Хабарда таъкидланишича, бу қарор Алонсонинг режаларига таъсир қилган, чунки у тажрибали футболчи билан жамоа марказини кучайтиришни истаган эди.
Шу билан бирга, The Athletic нашрининг ёзишича, Жаканинг «Сандерленд»да қолиши энг эҳтимолий сценарий бўлиб қолмоқда. Унинг клуб билан амалдаги шартномаси 2028 йилгача мўлжалланган.
Аввалроқ «Челси» швейцариялик футболчи учун 8 миллион фунт стерлинг таклиф қилгани ҳақида хабарлар тарқалганди. Бироқ «Сандерленд» бу таклифни дарҳол рад этган.
