Ўзбекистоннинг 17 клуби ОФК лицензиясини олди, бироқ барчаси Суперлигага чиқолмайди
Футбол
Бакрадзе Иман
Редактор
Расм: Gazeta.uz
ОФК 2025/26 йилги мавсум учун клуб лицензиясини олган жамоалар рўйхатини эълон қилди. Унга кўра, Ўзбекистондан қуйидаги 17 клуб лицензияни қўлга киритди: ОКМК, “Андижон”, “Бухоро”, “Динамо”, “Бунёдкор”, “Машъал”, “Насаф”, “Хоразм”, “Қўқон-1912”, “Навбаҳор”, “Нефтчи”, “Пахтакор”, “Локомотив”, “Сўғдиёна”, “Қизилқум”, “Шўртан” ва “Сурхон”.
ОФК қоидаларига кўра, лицензияга эга бўлмаган жамоалар 2026 йилги Суперлига мавсумида иштирок эта олмайди.
Про Лига клубларидан эса фақат “Локомотив” ОФК лицензиясини олган. Шу боис, ушбу мавсумда айнан “темирйўлчилар” Суперлигага чиқиш имкониятига эга бўлади.
Эслатиб ўтамиз, ўтган йили “Арал” лицензия ололмагани сабаб, ундан пастроқ ўринда жойлашган “Хоразм” Суперлигага йўл олган эди.