O‘zbekistonning 17 klubi OFK litsenziyasini oldi, biroq barchasi Superligaga chiqolmaydi

Futbol 07 iyn 2025 da 04:35

Bakradze Iman

Redaktor

OFK 2025/26 yilgi mavsum uchun klub litsenziyasini olgan jamoalar ro‘yxatini e’lon qildi. Unga ko‘ra, O‘zbekistondan quyidagi 17 klub litsenziyani qo‘lga kiritdi: OKMK, “Andijon”, “Buxoro”, “Dinamo”, “Bunyodkor”, “Mash’al”, “Nasaf”, “Xorazm”, “Qo‘qon-1912”, “Navbahor”, “Neftchi”, “Paxtakor”, “Lokomotiv”, “So‘g‘diyona”, “Qizilqum”, “Sho‘rtan” va “Surxon”.

OFK qoidalariga ko‘ra, litsenziyaga ega bo‘lmagan jamoalar 2026 yilgi Superliga mavsumida ishtirok eta olmaydi.

Pro Liga klublaridan esa faqat “Lokomotiv” OFK litsenziyasini olgan. Shu bois, ushbu mavsumda aynan “temiryo‘lchilar” Superligaga chiqish imkoniyatiga ega bo‘ladi.

Eslatib o‘tamiz, o‘tgan yili “Aral” litsenziya ololmagani sabab, undan pastroq o‘rinda joylashgan “Xorazm” Superligaga yo‘l olgan edi.