Ўзбекистонлик теннисчи Сергей Фомин 1/8 финалга чиқди
Расм: теннис.уз Сергей Фомин
Туркиянинг Анталия шаҳрида 15 минг доллар соврин жамғармаси бўлган навбатдаги теннис мусобақаси ўтказилмоқда. Унда ўзбекистонлик теннисчи Сергей Фомин ҳам иштирок этмоқда.
27 март куни Тошкент вақти билан соат 12:20 да ўзбекистонлик спортчи, жаҳон рейтингида 543-ўринни эгаллаб турган Сергей Фомин, рейтингда 643-ўринда турган испаниялик А. Мансанера Пертус билан беллашди. Ўйин 3:6, 6:2, 6:3 ҳисобида Сергей Фомин фойдасига якунланди. Шу тариқа, ўзбекистонлик спортчи кейинги босқичга ўтди ва у ерда италиялик теннисчи Габриэле Пираино билан учрашади.
Жуфтликлар баҳсида ўзбекистонлик ва россиялик ўйинчилар чорак финалга чиқиб, Чехия ва Швейтсария вакиллари билан куч синашадилар.
Бакрадзе Иман
Редактор