Ўзбекистонлик мураббий Қирғизистон клуби бош мураббийи этиб тайинланди
Ўтган мавсумда у «Навбаҳор» академиясида ишлаган.
ФОТО: Getty images
Қўчқор-Ота шаҳрининг «Нефтчи» футбол клуби янги бош мураббийини расман таништирди. 2026 йилдан жамоани Ўзбекистонлик мутахассис Дмитрий Ан бошқаради.
51 ёшли Дмитрий Ан узоқ йиллар давомида Тошкентнинг «Пахтакор» клубида фаолият олиб борган. Ўтган мавсумда эса «Навбаҳор» академиясида ишлаган.
Дмитрий Анга ассистент сифатида яна бир ўзбекистонлик мутахассис — Тимур Бабаханов ёрдам беради.
Ўтган мавсумда «Нефтчи» Қирғизистон Премьер-лигасида 9-ўринни эгаллади. Аввалига жамоани ўзбекистонлик футбол мухлисларига таниш бўлган Александр Мочинов бошқарганди.
Розикжон Султонмуродов
Журналист