Ўзбекистонлик курашчилар Осиё чемпионатида 6 та медаль қўлга киритишди
25-30 март кунлари Амманда спорт кураши бўйича Осиё чемпионати ўтказилмоқда. Мусобақалар юнон-рум, аёллар ва эркин кураш турларида бўлиб ўтмоқда.
25 ва 26 март кунлари юнон-рум услубидаги беллашувлар бўлиб ўтди ва икки кунлик натижалар бўйича Ўзбекистон терма жамоаси олти медални қўлга киритди.
Мусобақанинг иккинчи куни, 26 март куни -60 кг вазн тоифасида ўзбекистонлик Алишер Ғаниев финал жангини кореялик Се Унг Рига қарши ўтказди ва 4:6 ҳисобида мағлуб бўлди.
-72 кг вазн тоифасида ўзбекистонлик Абдулло Алиев эронлик Сейид Шамсоллоҳ Суҳробийни енга олмади. Шу тариқа Ўзбекистон ҳисобига яна иккита кумуш медаль қўшилди.
Биринчи кунги медаллар (25 март): Айтжан Халмаханов (-63 кг), Арам Варданян (-77 кг) ва Жалгасбай Бердимуратов (-87 кг) олтин медални қўлга киритди, Ихтиёр Ботиров (-55 кг) эса терма жамоа ҳисобига бронза медали келтирди.
