O‘zbekistonlik kurashchilar Osiyo chempionatida 6 ta medal qo‘lga kiritishdi
25-30-mart kunlari Ammanda sport kurashlari bo‘yicha Osiyo chempionati o‘tkazilmoqda. Musobaqalar yunon-rum, ayollar va erkin kurash bo‘yicha tashkil etilgan.
25-26-mart kunlari yunon-rum uslubidagi bellashuvlar bo‘lib o‘tdi va ikki kunlik natijalar bo‘yicha O‘zbekiston terma jamoasi olti medal jamg‘ardi.
Musobaqaning ikkinchi kuni, 26-mart kuni -60 kg vazn toifasida o‘zbekistonlik Alisher G‘aniev final bellashuvini koreyalik Se Ung Riga qarshi o‘tkazdi va 4:6 hisobida mag‘lub bo‘ldi.
-72 kg vazn toifasida o‘zbekistonlik Abdullo Aliyev eronlik Seyid Shamsolloh Suhrobiyni yengishga muvaffaq bo‘lmadi. Shu tariqa O‘zbekiston hisobiga yana ikkita kumush medal qo‘shildi.
Birinchi kungi medallar (25-mart): Aytjan Xalmaxanov (-63 kg), Aram Vardanyan (-77 kg) va Jalgasbay Berdimuratov (-87 kg) oltin medalni qo‘lga kiritdi, Ixtiyor Botirov (-55 kg) esa terma jamoa hisobiga bronza medali keltirdi.
