Ўзбекистонлик футболчи Туркия чемпионатининг 32-тури рамзий терма жамоасига киритилди
Расм: Transfermarkt.com Хусниддин Аликулов
Туркия чемпионатининг 32-тури учун рамзий терма жамоа эълон қилинди. Унга Ўзбекистон миллий терма жамоаси аъзоси, ҳимоячи Хусниддин Аликулов ҳам киритилди. Аликулов жорий мавсум Туркия чемпионатида 28 та ўйинда иштирок этди. Ушбу баҳсларда учта гол урди, бирта голли пас берди ва бешта сариқ карточка олди.
2023 йилдан буён ҳимоячи Туркиянинг “Ризеспор” клуби шарафини ҳимоя қилмоқда. Жамоа айни пайтда турнир жадвалида 14-ўринни эгаллаб турибди. Ундан аввал Аликулов “Насаф” жамоасида тўп сурган - 2020 йили Ўзбекистон чемпионатининг кумуш медали, 2021 йили Ўзбекистон Кубоги соҳиби ва ўша йилда ОФК Кубоги финалчиси бўлган.
Бакрадзе Иман
Редактор