Ўзбекистон XXIX миллий чемпионати — Олий лига 7-тур. 1-кун учрашувлари анонси
Пойтахтимиздаги “Юнусобод” спорт мажмуасида бугун Ўзбекистон XXIX миллий чемпионати — Олий лига доирасидаги 7-тур учрашувлари старт олади. Футзал баҳсларини соғинган мухлислар дастлабки кунги ўйинларни бевосита спорт мажмуасида томоша қилишга ошиқишлари шубҳасиз.
Соат 15:00 да Термизнинг “Сурхон” жамоаси Тошкент вилоятининг “Максам Чирчиқ” жамоасига қарши баҳс олиб боради.
Соат 17:00 да Бухоронинг “Оил Стар” жамоаси Фарғонанинг “Нефтчи” жамоаси билан куч синашади.
Соат 19:00 да эса биринчи кунги дастур Навоийнинг “Қизилқум” ҳамда Тошкентнинг “Бунёдкор” жамоалари ўртасидаги учрашув билан якунланади.
Барча учрашувлар “Футбол-TV” телеканали орқали (учинчи ўйин ёзиб олинган ҳолда — 8-январ куни соат 10:50 да) ҳамда ЎФФнинг расмий YouTube канали орқали жонли, тўғридан-тўғри эфирда намойиш этилади.
