Ўзбекистон ва Россия ёшлар терма жамоалари июн ойида ўртоқлик учрашуви ўтказади
Расм: gettyimages.com
Ўзбекистон ёшлар терма жамоаси Россияга қарши икки таётовар учрашув ўтказади. Учрашувлар тақвими Россия футбол иттифоқи (РФИ) расмий сайтида эълон қилинди.
Белгиланганидек, ўйинлар 5 ва 8 июн кунлари Фарғона шаҳридаги «Истиқлол» стадионида бўлиб ўтади. РФИ маълумотларига кўра, россиялик ёшлар терма жамоасига 30 нафар футболчи жалб этилган.
Маълумот учун, икки мамлакат ёшлар терма жамоалари ўртасидаги сўнгги учрашув ўтган йил сентябрда бўлиб ўтган. Ўшанда илк ўйин дуранг билан якунланган, иккинчи беллашувда эса россияликлар ўзбекистонликларни 2:0 ҳисобида мағлуб этган эди.
Бакрадзе Иман
Редактор