Ўзбекистон U-16 терма жамоаси Корея Республикасига қарши ўртоқлик ўйинида мағлуб бўлди
Бугун, 4 июл куни Ўзбекистон U-16 терма жамоаси Хитойдаги халқаро ўртоқлик турнири доирасида Корея Республикасига қарши майдонга тушди. “Shenyang Urban” стадионида бўлиб ўтган учрашувда юртдошларимиз 0:1 ҳисобида мағлубиятга учради.
Беллашув бошланиши биланоқ рақиб жамоа фаол ҳаракат қилди ва 4-дақиқада Хун Мин Ко томонидан киритилган гол учрашувда ягона ҳисоб бўлиб қолди. Биринчи бўлимда ўзбекистонлик футболчиларга имкониятлар яратиш насиб этмади ва танаффусга 0:1 ҳисобида йўл олинди. Иккинчи таймда мураббийлар бир қатор алмашинувларни амалга оширишди: Садиржонов, Абдураимов, Ўктамбоев ва Эркинов ўрнига Қурбонов, Алиев, Маруфов ва Абдунабиев майдонга тушди.
76-дақиқада Равшанбеков ўрнига Раҳмоналиев, 85-дақиқада эса Равшанов ўрнига Орифхонов ўйинга қўшилди.
Шу тариқа, Ўзбекистон U-16 терма жамоаси ўртоқлик турниридаги навбатдаги ўйинида Корея Республикасига қарши кечган баҳсда мағлуб бўлди.
