Ўзбекистон U-18 қизлар терма жамоаси Тожикистонга қарши оқ либосда ўйнайди
Учрашув 23-ноябр куни Тошкент вақти билан соат 12:00да ЎФА Миллий футбол марказида бўлиб ўтади
photo: Ayollar futboli
23-ноябр куни Ўзбекистон U-18 қизлар терма жамоаси CAFA U-18 Аёллар чемпионати мусобақаси илк учрашувида Тожикистонга қарши баҳс олиб боради. Бугун мусобақа арафасида жамоалар расмийлари иштирокида учрашув ўтказилди. Мусобақа ташкилотчилари томонидан иштирокчиларга мусобақага оид бир қатор йўналишларда, хусусан, регламент, ҳакамлик, тиббиёт, медиа ва маркетинг масалалари бўйича тушунтириш ва эслатмалар берилди.
Ўзбекистон U-18 қизлар терма жамоаси илк баҳсда тўлиқ оқ либосда, дарвозабонимиз эса қора либосда ҳаракатланиши маълум бўлди.
Эслатиб ўтамиз, учрашув 23-ноябр куни Тошкент вақти билан соат 12:00да ЎФА Миллий футбол марказида бўлиб ўтади
Иброҳим Жалолов
Редактор