Ўзбекистон терма жамоасининг собиқ мураббийи Жаҳон чемпионатига йўлланма ҳақида фикр билдирди
Расм: Olamsport.uz
Футбол бўйича Ўзбекистон терма жамоасининг собиқ бош мураббийи Сречко Катанец жамоанинг Жаҳон чемпионати йўлланмасини қўлга киритгани муносабати билан фикр билдирди.
— Қисқача айтмоқчиман. Бу ютуқ билан барчани табриклайман. Футболчилар, жамоа ходимлари, раҳбарият ва мухлисларга самимий тилакларимни билдираман, — деди мутахассис.
Маълумки, Катанец соғлигидаги муаммолар туфайли бош мураббийлик лавозимини тарк этган эди. ОАВда тарқалган хабарларга кўра, унда онкологик хасталик аниқланган.
Эслатиб ўтамиз, Сречко Катанец терма жамоанинг сўнгги йиллардаги муваффақиятли ўйинларида муҳим ўрин тутган мутахассислардан бири ҳисобланади. У амалий ва эҳтиёткор услубда ишлаган бўлса-да, жамоа натижаларини анча яхшилаган эди.
Бакрадзе Иман
Редактор