O‘zbekiston terma jamoasining sobiq murabbiyi Jahon chempionatiga yo‘llanma haqida fikr bildirdi

Futbol 07 iyn 2025 da 01:51

Rasm: Olamsport.uz

Futbol bo‘yicha O‘zbekiston terma jamoasining sobiq bosh murabbiyi Srechko Katanets jamoaning Jahon chempionati yo‘llanmasini qo‘lga kiritgani munosabati bilan o‘z fikrini bildirdi.

— Qisqacha aytmoqchiman. Bu yutuq bilan barchani tabriklayman. Futbolchilar, jamoa xodimlari, rahbariyat va muxlislarga samimiy tilaklarimni bildiraman, — dedi mutaxassis.

Ma’lumki, Katanets sog‘ligidagi muammolar tufayli bosh murabbiylik lavozimini tark etgan edi. OAVda tarqalgan xabarlarga ko‘ra, unda onkologik kasallik aniqlangan.

Eslatib o‘tamiz, Srechko Katanets terma jamoaning so‘nggi yillardagi muvaffaqiyatli o‘yinlarida muhim o‘rin tutgan mutaxassislardan biri hisoblanadi. U amaliy va ehtiyotkor uslubda ishlagan bo‘lsa-da, jamoa natijalarini ancha yaxshilagan edi.