Ўзбекистон терма жамоаси октябрь ойида Уругвай билан ўйнайди
Фото: ЎФА
Ўзбекистон миллий терма жамоаси 2026 йилги Жаҳон чемпионатига тайёргарлик доирасида Уругвайга қарши майдонга тушади. Бу ҳақда Ўзбекистон футбол ассоциацияси матбуот хизмати хабар берди.
Унга кўра, мазкур жамоалар ўртасидаги баҳс 13 октябрь куни Малайзиянинг Куала Лумпур шаҳрида ташкил этилади.
Бу беллашув Жанубий Американинг кучли термаларидан бирига қарши учинчи ўйин бўлади. Илгари икки учрашув — 2018 ва 2019 йилларда ўтказилган ва ҳар иккисида ҳам уругвайликлар 3:0 ҳисобида ғалаба қозонган.
Розикжон Султонмуродов
Журналист