O‘zbekiston terma jamoasi oktyabr oyida Urugvay bilan o‘ynaydi
Фото: ЎФА
O‘zbekiston milliy terma jamoasi 2026 yilgi Jahon chempionatiga tayyorgarlik doirasida Urugvayga qarshi maydonga tushadi. Bu haqda O‘zbekiston futbol assotsiatsiyasi matbuot xizmati xabar berdi.
Unga ko‘ra, mazkur jamoalar o‘rtasidagi bahs 13 oktyabr kuni Malayziyaning Kuala-Lumpur shahrida tashkil etiladi.
Bu bellashuv Janubiy Amerikaning kuchli termalaridan biriga qarshi uchinchi o‘yin bo‘ladi. Ilgari ikki uchrashuv — 2018 va 2019 yillarda o‘tkazilgan va har ikkisida ham urugvayliklar 3:0 hisobida g‘alaba qozongan.
Roziqjon Sultonmurodov
Jurnalist