Ўзбекистон Суперкубогига “Бунёдкор” стадиони мезбонлик қилади
ФОТО: UZPFL
Жорий йилнинг 27-май куни Ўзбекистон Суперкубоги доирасида мамлакатнинг амалдаги чемпиони “Насаф” ва Кубок соҳиби “Андижон” ўзаро тўқнаш келади.
ЎзПФЛ матбуот хизматининг хабарига кўра, мазкур беллашувга “Бунёдкор” стадиони мезбонлик қилади. Лига ва стадион, шунингдек, финал учрашувининг титул ҳомийси бўлган UZCARD ушбу масалада ўзаро келишиб олган.
Регламентдан келиб чиқиб, мамлакат чемпиони сифатида “Насаф” учрашувнинг номинал мезбони бўлади. Суперкубок ўйини билан боғлиқ қолган деталлар ҳар икки клуб билан ўзаро келишиб олинади.
Насрулло Каримов
Журналист
