Ўзбекистон октябрда Марокаш билан ўйнаши мумкин
Бу ҳақда Morocco world news хабар берди.
Фото: ЎФА
Марокашнинг Тенжер шаҳридаги “Гранд” стадиони қайта реконструкция қилинди. Стадионнинг қайта очилиш маросимида Марокаш ва Ўзбекистон терма жамоалари ўртоқлик учрашуви ўтказиши режа қилинган. Бу ҳақда Morocco world news хабар берди.
Манбага кўра, октябрь ойидаги ФИФА кунларида Марокаш терма жамоаси Эритреяга қарши баҳс ўтказиши режа қилинганди, бироқ бу терма жамоа ўртоқлик ўйинини бекор қилди. Шундан сўнг Марокаш терма жамоаси Ўзбекистон терма жамоасига таклиф билан чиққан. Ҳозирда музокаралар якуний босқичда.
Ўйин 6-14 октябрь кунлари ФИФАнинг халқаро ойнасида ўтказилиши режалаштирилган. Аниқ сана ҳозирча маълум эмас.
Розикжон Султонмуродов
Журналист