Ўзбекистон МТЖ Қозоғистонга қарши ўртоқлик ўйини ўтказиши мумкин
ФОТО: UzbekistanFA
Ўзбекистон миллий терма жамоаси кузда Қозоғистон билан ўртоқлик ўйини ўтказиши мумкин. Бу ҳақда Vesti.kz хабар бермоқда.
Манбага кўра, ўйин ноябр ойидаги халқаро танаффус вақтида бўлиб ўтиши режалаштирмоқда.
Қозоғистон терма жамоаси ЖЧ-2026 саралаши доирасидаги сўнгги ўйинини 15-ноябр куни Белгияга қарши ўтказади. Шундан сўнг, қозоғистонликларда бўш кунлар бўлади ва айнан шу даврда ушбу баҳс ўтказилиши мумкин.
Эслатиб ўтамиз, Ўзбекистон ва Қозоғистон ўртасидаги сўнгги учрашув 2022-йилнинг 16-ноябрь куни Тошкентда бўлиб ўтган ва унда вакилларимиз 2:0 ҳисобида ғалаба қозонган.
Насрулло Каримов
Журналист