Ўзбекистон миллий жамоаси Сурияга қарши баҳсни «Пахтакор» стадионида ўтказади
Ўзбекистон миллий жамоаси Сурияга қарши баҳсни «Пахтакор» стадионида ўтказади
Ушбу баҳс 1 октябрь куни соат 19:00 да старт олади.
Ўзбекистон миллий жамоаси FIFA кунлари доирасидаги навбатдаги ўртоқлик беллашувини 1 октябрь куни ўтказади.
Фабио Каннаваро бошчилигидаги «оқ бўрилар» шу куни Тошкентда Сурия миллий жамоасига қарши майдонга тушади. Ушбу баҳс «Пахтакор» стадионида соат 19:00 да бошланади.
Миллий жамоа 24 сентябрь куни Фарғонада Эронга қарши ўйнаб, 3:1 ҳисобида ғалаба қозонган эди. Элдор Шомуродов беллашувда дубль қайд этган. Яна бир гол Ҳусайн Норчаев ҳисобида қайд этилганди.
Шунингдек, Ўзбекистон миллий жамоаси FIFA кунлари доирасида 6 октябрь куни сафарда Жанубий Кореяга қарши баҳс олиб боради.
Маълумот учун, Ўзбекистон Осиё кубогига тайёргарлик кўрмоқда. Турнир 2027 йилнинг 7 январидан 5 февралига қадар Саудия Арабистонида бўлиб ўтади. B гуруҳида иштирок этадиган миллий жамоа кейинги босқич йўлида Баҳрайн, Шимолий Корея ва Иорданияга қарши баҳс олиб боради.
