Ўзбекистон миллий терма жамоаси нуфузли турнирда иштирок этади
ФОТО: UzbekistanFA
Ўзбекистон миллий терма жамоаси сентябрь ойидаги FIFA кунларида “CAFA Nations Cup-2025” турнирида иштирок этади.
Ушбу мусобақада 8 та жамоа 2 гуруҳга бўлинган ҳолда ўйинлар ўтказади. Гуруҳ ғолиблари финалда тўқнаш келса, 2-ўринни эгаллаган жамоалар 3-ўрин учун баҳсга киришади.
Турнирга Ўзбекистон ва Қирғиз Республикаси мезбонлик қилиши кутилмоқда.
Мусобақада қуйидаги жамоалар қатнашиши режалаштирилмоқда: Ўзбекистон, Қирғиз Республикаси, Тожикистон, Туркманистон, Афғонистон, Эрон, Уммон ва Малайзия.
Эслатиб ўтамиз, “CAFA Nations Cup” турнири илк бор 2023-йилда ўтказилган ва унда Эрон чемпион бўлган. Форслар финалда Ўзбекистонни 1:0 ҳисобида мағлуб этган.
