Ўзбекистон миллий терма жамоаси йиғини бошланди
Ўзбекистон миллий терма жамоаси йиғини бошланди
Пойтахтимиздаги Миллий терма жамоалар маркази спорт залида футзал бўйича Ўзбекистон миллий терма жамоасининг Европа сафари олдидан навбатдаги ўқув-машғулот йиғини бошланди.
Мамлакат миллий чемпионати — Олий лиганинг 1-туридан сўнг терма жамоа йиғинига жалб этилган барча номзодлар машғулотларга кўтаринки кайфиятда ҳамда яхши спорт формасида етиб келгани маълум бўлди.
Мураббийлар штаби кунига икки маҳалдан интенсив машғулотлар ўтказмоқда.
Машғулотлар давомида асосий эътибор футболчилар ўртасидаги ўзаро ҳамжиҳатлик ва боғламларни янада мустаҳкамлаш, жамоавий ўйинни шакллантириш, шунингдек, футболчиларнинг жисмоний тайёргарлик даражасини янада оширишга қаратилмоқда.
Эслатиб ўтамиз, Ўзбекистон миллий терма жамоаси 15-сентябрь куни Венгрия пойтахти Будапешт шаҳрига йўл олади.
17–19-сентябрь кунлари Венгрия миллий терма жамоасига қарши,
21–22-сентябрь кунлари эса Амстердам шаҳрида Нидерландия миллий терма жамоасига қарши жами 4 та ўртоқлик учрашуви ўтказилиши режалаштирилган.
