Ўзбекистон Кубоги. “Шўртан” ўз майдонида “Олимпик”га ҳеч қандай имконият қолдирмади

Ўзбекистон Кубоги 2-туридан ўрин олган баҳсда “Шўртан” ва “Олимпик” ўзаро тўқнаш келди ва якунда ғузорликлар йирик ҳисобда ғалаба қозонди.

Дастлаб, ҳисоб 13-дақиқада Темур Мамасиддиқов томонидан очилди. 69-дақиқада эса Шаҳбоз Нуриддинов жамоасининг иккинчи голига муаллифлик қилди.

Иккинчи бўлимга қўшиб берилган дақиқаларда эса Сирожиддин Қўзиев пеналтидан унумли фойдаланиб, ҳисобни 3:0 кўринишига олиб келди.

Шу тариқа, “Шўртан” ушбу ғалабадан сўнг ўз очколари ҳисобини 4 тага етказиб, “D” гуруҳида биринчи ўринга кўтарилиб олди.

Ўзбекистон Кубоги | 2-тур

“Шўртан” 3:0 “Олимпик”

Голлар: Темур Мамасиддиқов 13' (1:0), Шаҳбоз Нуриддинов 69' (2:0), Сирожиддин Қўзиев 90+5' (3:0).

Насрулло Каримов

Журналист