Ўзбекистон Кубоги. “Шўртан” “Иштихон” дарвозасига жавобсиз олтита тўп киритиб, кейинги босқич масаласини ҳал қилди
Ўзбекистон Кубоги гуруҳ босқичининг 3-туридан ўрин олган “Шўртан” - “Иштихон” учрашуви бўлиб ўтди ва унда ғузорликлар йирик 6:0 ҳисобида ғалаба қозонди.
Дастлаб, ҳисоб 41-дақиқада Азизбек Пирмуҳаммадов томонидан очилди (1:0). Иккинчи бўлимга қўшиб берилган дақиқаларда эса Ғанишер Қодиров ҳам ўз номини таблога ёздириб қўйди (2:0).
61-дақиқада Сирожиддин Қўзиев пеналтидан унумли фойдаланиб, ҳисобни янада йириклаштирди (3:0). 74-дақиқада Чорийор Турсунқулов жамоасининг тўртинчи голига муаллифлик қилди (4:0).
Шунингдек, Миркомил Абдураззоқов 80 ва 90+3-дақиқаларда гол уриб, учрашувга нуқта қўйди (6:0).
Шу тариқа, “Шўртан” ушбу ғалабадан сўнг ўз очколари ҳисобини 7 тага етказиб олиб, кейинги босқичга йўл олди.
Ўзбекистон Кубоги | “D” гуруҳи, 3-тур
“Шўртан” 6:0 “Иштихон”
Голлар: Азизбек Пирмуҳаммадов 41' (1:0), Ғанишер Қодиров 45+2' (2:0), Сирожиддин Қўзиев 61' пен (3:0), Чорийор Турсунқулов 74' (4:0), Миркомил Абдураззоқов 80' (5:0), Миркомил Абдураззоқов 90+3' (6:0)
