Ўзбекистон Кубоги. “Сементчи” сўнгги дақиқаларда мағлубиятдан қутулиб қолди

Ўзбекистон Кубоги 1-туридан ўрин олган баҳсда “Сементчи” ва “Хоразм ФА” ўзаро тўқнаш келди ва якунда томонлар жанговор дурангга имзо чекишди.

Дастлаб, ҳисоб 10-дақиқада Отабек Эркаев томонидан очилди (0:1). 58-дақиқада Жамшидбек Бойжонов хоразмликларнинг устунлигини мустаҳкамлади (0:2).

Иккинчи бўлимга қўшиб берилган дақиқаларда эса “Сементчи” икки та гол уриб кетиб, камбек амалга оширди.

Шу тариқа, томонлар бир очкодан бўлишиб олди.

Ўзбекистон Кубоги | 1-тур

“Сементчи” 2:2 “Хоразм ФА”

Голлар: Отабек Эркаев 10' (0:1), Жамшидбек Бойжонов 58' (0:2), Дилшодбек Умрзоқов 90+1' (1:2), Шоҳруҳбек Жалолов 90+5' (2:2).

Насрулло Каримов

Журналист