O'zbekiston Kubogi. “Sementchi” so'nggi daqiqalarda mag'lubiyatdan qutulib qoldi
FOTO: UZPFL
O'zbekiston Kubogi 1-turidan o'rin olgan bahsda “Sementchi” va “Xorazm FA” o'zaro to'qnash keldi va yakunda tomonlar jangovor durangga imzo chekishdi.
Dastlab, hisob 10-daqiqada Otabek Erkayev tomonidan ochildi (0:1). 58-daqiqada Jamshidbek Boyjonov xorazmliklarning ustunligini mustahkamladi (0:2).
Ikkinchi bo'limga qo'shib berilgan daqiqalarda esa “Sementchi” ikkita gol urib ketib, kambek amalga oshirdi.
Shu tariqa, tomonlar bir ochkodan bo'lishib oldi.
O'zbekiston Kubogi | 1-tur
“Sementchi” 2:2 “Xorazm FA”
Gollar: Otabek Erkayev 10' (0:1), Jamshidbek Boyjonov 58' (0:2), Dilshodbek Umrzoqov 90+1' (1:2), Shohruhbek Jalolov 90+5' (2:2).
Nasrullo Karimov
Jurnalist