Ўзбекистон Кубоги. “Олимпик MobiUz” “Жайҳун”ни мағлуб этиб, кейинги босқичга йўл олди
Ўзбекистон Кубоги гуруҳ босқичининг 3-туридан ўрин олган баҳсда “Олимпик MobiUz” ўз майдонида “Жайҳун”ни қабул қилди ва йирик 4:1 ҳисобида ғалаба қозонди.
Учрашувда ҳисоб 5-дақиқада Нурлан Иброимов томонидан очилди (1:0). 71-дақиқада Муҳаммадали Рейимов фарқни иккитага етказди.
75-дақиқада Рейимовнинг ўзи дублни расмийлаштирди (3:0). 82-дақиқада Ғиёсжон Ризақулов пеналтини аниқ амалга оширди (4:0). 85-дақиқада эса Бегис Қуанышбоев жамоасининг ягона жавоб тўпига муаллифлик қилди (4:1).
Шу тариқа, “Олимпик MobiUz” ушбу ғалабадан сўнг ўз очколари ҳисобини 6 тага етказиб олиб, кейинги босқичга йўл олди.
Ўзбекистон Кубоги | “H” гуруҳи, 3-тур
“Олимпик MobiUz” 4:1 “Жайҳун”
Голлар: Нурлан Иброимов 5' (1:0), Муҳаммадали Рейимов 71' (2:0), Муҳаммадали Рейимов 75' (3:0), Ғиёсжон Ризақулов 82' пен (4:0), Бегис Қуанышбоев 85' (4:1).
