Ўзбекистон Кубоги. ОКМК даҳшатли камбек эвазига “Насаф”ни мағлуб этди
Ўзбекистон Кубоги 2-туридан ўрин олган баҳсда ОКМК ва “Насаф” ўзаро баҳс олиб борди ва якунда олмаликликлар даҳшатли камбек эвазига ғалаба қозонди.
Дастлаб, ҳисоб 9-дақиқада Драган Черан томонидан очилди (0:1). 36-дақиқада эса словениялик футболчи дублини расмийлаштирди (0:2).
Иккинчи бўлимда ОКМК учта гол уриб, ғалабани илиб кетди. Дастлаб, Али Абдураҳмонов 48-дақиқада ҳисобни қисқартирган бўлса (1:2), Рубен Санчез 77-дақиқада мувозанатни тиклади (2:2).
Учрашув якунланишига беш дақиқа қолганида Али Абдураҳмонов жамоасининг ғалаба голига муаллифлик қилди.
Шу тариқа, ОКМК ушбу ғалабадан сўнг ўз очколари ҳисобини 3 тага етказиб олди.
Ўзбекистон Кубоги | 2-тур
ОКМК 3:2 “Насаф”
Голлар: Драган Черан 9' (0:1), Драган Черан 36' (0:2), Али Абдураҳмонов 48' (1:2), Рубен Санчез 77' (2:2), Али Абдураҳмонов 86' (3:2).
