Ўзбекистон кубоги. Навбаҳор Қорақалпоғистон ФА жамоаси дарвозасига жавобсиз тўққизта гол урди
Ўзбекистон кубоги F гуруҳи 1-туридан ўрин олган «Навбаҳор» — Қорақалпоғистон ФА баҳси якунланди. Тошкентдаги «Олимпия» стадионида ўтган учрашувда наманганликлар йирик 9:0 ҳисобида ғалаба қозонди.
Учрашувдаги голларга Адилбек Отебаев (автогол), Алекс Фернандес (дубль), Катулонди Кати, Дилшоджон Комилов, Хабибулло Жапаралиев, Аббос Ғуломов (дубль) ва Ваня Илич муаллифлик қилди.
Шу тариқа F гуруҳида дастлабки тур баҳслари якунланди. Аввалроқ «Хоразм» ФарДУни мағлуб этганди. Тўплар нисбатига кўра «Навбаҳор» гуруҳ пешқадамига айланди, «Хоразм» эса иккинчи ўринни эгаллаб турибди.
2-тур учрашувлари 18 май куни бўлиб ўтади. Унда «Хоразм» — «Навбаҳор» ҳамда Қорақалпоғистон ФА — ФарДУ баҳслари ташкил этилади.
Ўзбекистон кубоги
F гуруҳи. 1-тур
Навбаҳор — Қорақалпоғистон ФА 9:0
Голлар: Адилбек Отебаев 23-автогол (1:0), Алекс Фернандес 32 (2:0), Катулонди Кати 33 (3:0), Дилшоджон Комилов 40 (4:0), Алекс Фернандес 68 (5:0), Хабибулло Жапаралиев 74 (6:0), Аббос Ғуломов 79 (7:0), Аббос Ғуломов 87 (8:0), Ваня Илич 90 (9:0).
Навбаҳор: Валижон Раҳимов, Саидазамат Мирсаидов, Дилшоджон Комилов, Диёр Холматов, Шоҳмалик Комилов, Исохон Мусохонов, Катулонди Кати, Анри Чичинадзе, Аббосжон Ғуломов, Муҳаммадали Усмонов, Алекс Фернандес.
Қорақалпоғистон ФА: Али Пухарбаев, Олжабек Муратов, Саулатбек Реймов, Дилшод Маҳмудов, Амирбек Отемисов, Адҳамбек Бекчанов, Адилбек Отебаев, Қуватбай Худойбердиев, Дониёр Саидмуродов, Амир Зайиров, Самандар Кокленов.
