Ўзбекистон Кубоги. “Насаф” гуруҳ босқичини йирик ғалаба билан бошлади
Ўзбекистон Кубоги гуруҳ босқичининг 1-туридан ўрин олган баҳсда Қаршининг “Насаф” клуби ўз майдонида “Навоий ФА”ни қабул қилди ва йирик 5:1 ҳисобида ғалаба қозонди.
Дастлаб, ҳисоб 2-дақиқадаёқ Диёрбек Асомиддинов томонидан очилди (1:0). 52-дақиқада Суҳроб Нуриллоев фарқни иккига етказди (2:0). Орадан уч дақиқа ўтиб Давронбек Усмонов жамоасининг учинчи голига муаллифлик қилди (3:0).
77-дақиқада Драган Черен ҳисобни 4:0 кўринишига олиб келди. 87-дақиқада Шерзод Рауфов навоийликларнинг ягона жавоб тўпига муаллифлик қилди. 90+3-дақиқада эса Акмал Мозговой ҳисобни 5:1 кўринишига олиб келди.
Шу тариқа, “Насаф” гуруҳ босқичини муваффақиятли бошлаб, уч очкони қўлга киритди.
Ўзбекистон Кубоги | 1-тур
“Насаф” 5:1 “Навоий ФА”
Голлар: Диёрбек Асомиддинов 2' (1:0), Суҳроб Нуриллоев 52' (2:0), Давронбек Усмонов 55' (3:0), Драган Черен 77' (4:0), Шерзод Рауфов 87' (4:1), Акмал Мозговой 90+3' (5:1).
