Ўзбекистон Кубоги. “Локомотив” сафарда “Бунёдкор”ни мағлуб этди

Ўзбекистон Кубоги гуруҳ босқичининг 3-туридан ўрин олган баҳсда “Бунёдкор” ва “Локомотив” ўзаро тўқнаш келди ва якунда меҳмонлар минимал ҳисобда ғалаба қозонди.

Учрашувдаги ягона гол 71-дақиқада Абдуллоҳ Ёлдошев томонидан киритилди (0:1).

Шу тариқа, “Локомотив” ушбу ғалабадан сўнг ўз очколари ҳисобини 6 тага етказиб олди. Гарчи “Бунёдкор” билан бир хил очко тўплаган бўлса-да, “темирйўлчилар” ўз юришини гуруҳ босқичида якунлади.

Аксинча, “Бунёдкор” мағлубиятга учраганига қарамай, кейинги босқичга йўл олди.

Ўзбекистон Кубоги | “Г” гуруҳи, 3-тур

“Бунёдкор” 0:1 “Локомотив”

Гол: Абдуллоҳ Ёлдошев 71' (0:1).

Насрулло Каримов

Журналист