O'zbekiston Kubogi. “Lokomotiv” safarda “Bunyodkor”ni mag'lub etdi

O'zbekiston Kubogi guruh bosqichining 3-turidan o'rin olgan bahsda “Bunyodkor” va “Lokomotiv” o'zaro to'qnash keldi va yakunda mehmonlar minimal hisobda g'alaba qozondi.

Uchrashuvdagi yagona gol 71-daqiqada Abdulloh Yo'ldoshev tomonidan kiritildi (0:1).

Shu tariqa, “Lokomotiv” ushbu g'alabadan so'ng o'z ochkolari hisobini 6 taga yetkazib oldi. Garchi “Bunyodkor” bilan bir xil ochko to'plagan bo'lsa-da, “temiryo'lchilar” o'z yurishini guruh bosqichida yakunladi.

Aksincha, “Bunyodkor” mag'lubiyatga uchraganiga qaramay, keyingi bosqichga yo'l oldi.

O'zbekiston Kubogi | “G” guruhi, 3-tur

“Bunyodkor” 0:1 “Lokomotiv”

Gol: Abdulloh Yo'ldoshev 71' (0:1).

Nasrullo Karimov

Jurnalist