Ўзбекистон Кубоги. “Ўлим гуруҳи”нинг сўнгги иштирокчиси аниқланди

Ўзбекистон Кубоги саралаш босқичидан ўрин олган баҳсда “Қорақалпоғистон ФА” ва “Навоий ФА” ўзаро тўқнаш келди.

Учрашувда ҳисоб 70-дақиқада Муҳаммад Одилов томонидан очилди (0:1). Иккинчи бўлимга қўшиб берилган дақиқаларда эса Раҳматулло Эгамбердиев жавоб тўпини киритди (1:1).

Асосий вақт дуранг билан якунлангач, томонлар пеналтилар сериясига мурожаат қилди. Лотореяда эса омад навоийликларга кулиб боқди “Ҳ” гуруҳининг сўнгги иштирокчисига айланди.

Маълумот учун, ушбу гуруҳдан “Пахтакор”, ОКМК ва “Насаф” ҳам ўрин олган.

Ўзбекистон Кубоги | Саралаш босқичи

“Қорақалпоғистон ФА” 1:1 (пен. 2:3) “Навоий ФА”

Голлар: Муҳаммад Одилов 70' (0:1), Раҳматулло Эгамбердиев 90+3' (1:1).

Насрулло Каримов

Журналист